Rosai Refo ya ḇyardi na kuker fafisu koḇedine?

”Snar er nari sikḇawes sisampum er ḇese ma karajan sisampum karajan ḇese na. . . . Ḇape nakam insape kandera ḇemun randak ḇeyunḇe awar babo ya.”

Matius 24:7, 8

”Nabi sararer sibor nari sikḇawes fa sfarkor ninyan kawasa sibor. Ma snar sasar na, naba syadadi inja saswari ro snonkaku sibor nbe napromes.”

Matius 24:11, 12

”Ma ro fyor mkorower ruran mbroḇ ma roḇa abar ro mbroḇ, mkomkak awer; nakam nari ndarirya, ḇape ras fawar isya ḇaim.”

Markus 13:7

”Ma rim ḇeba kaku nari myun ma ro moḇ nabor dafduf kapyowi ma basbiser isya; ma nari roi ḇefrur kanandor naisya kako ma aḇyair-aḇyair ḇeyun nyawa nari nfasna ro nanki.”

Lukas 21:11

”Mkofawi mboi ro ras ḇepupesna nari ndama kuker kandera nabor. Snonkaku sya nari siswar mankunsi ḇardi ma sewomen faro pipi. Nari sḇemandaw ma simarares mankunsi, sanonef, nari sisampum sinansya, ma sifawi sikofen kasumasa ḇa, sfandun ḇar rurya ḇa, sifawi saswar ḇa, simewer ḇaḇeaskiya, simarisen skoryae snonkaku, sfarmkuepen mankunsi ḇa, siḇarḇor, simewer roi ḇeḇyena, simarisen sḇoḇ min sesi, skara nakwan ḇa ma simarares si, siso syadi rmomen-nafsu sena ro siso Allah. Sifrur ḇaḇeari sena imnis kakara snonkaku, ḇape simewer knam ro agama ani ḇardi. Inja mkofanam awer si!”

2 Timotius 3:1-5