Hana Ḇyenadi fa Dakna Romawa

Snon Israel oso snoriso Elkana, fyarḇuk bin risuru, Hana ma Penina. Ḇape, iswar syadi Hana i. Penina ikoryae ker Hana i snar kyapar romawa ḇa, mboi Penina i mande nya romawa sibore. Taun nakam, Elkana dun kina ḇyesi ḇe Syilo fa sḇeari ro tabernakel. Ras oso fafisu sro diwa, Elkana myam mboi Hana ḇyesneso kaku. Doḇe, ’Hana e, kwanes awer. Aya isne kaker. Yaswar au.’

Mura, Hana rya fa ḇyenadi. Dor fafnoḇek ro Yahwe ḇo kyanes ker ra. Ḇyeasas, ’Yahwe yo, buk romawa ḇe aya ido, na yaḇuki ḇe au, ma nari dakfarmyan ḇe au ro rasras kenkenem ḇyedi.’

Imam ḇeba Eli myam Hana kyanes kaku, ma doḇerada Hana imser. Hana ikofen yoḇ i, ’Yamser ḇa, Tuan. Yana samswen ḇemarḇak kaku, inja yafawar na ḇe Yahwe I.’ Eli ifawi kyara sasar Hana i kwar ma doḇe, ’Iḇye kada Allah ḇyuk rosai wamarisen na.’ Hana ismai sneprei kaku mura ibur. Fanam taun oser, dakna romawa oso nyir i ḇe Samuel. Kakara bedi ido, moḇsa na Hana ḇyaḇir rai?

Hana ḇyefnder asas ḇyedi ḇe Yahwe I ḇa. Fafisu Samuel dinem sus werḇa, Hana dun i ḇe tabernakel fa dakfarmyan ro dia. Hana ikofen ḇe Eli, ’Ineiso romawa yor ro nadi anya. Imbe yaḇuk i ḇe Yahwe ro rasras kankenem ḇyedi ḇesiper.’ Ro taun nakam Elkana ma Hana sura sumamfar Samuel i ma suyun syatu ḇekwan ḇebabo ḇe i. Yahwe ḇyuk ḇe Hana i romawa rikyor ma inai risuru wer.