Koḇensewar Fa Koḇekir Syadi Ro Fararmyan​—Kodif Sisnesna kuker Syap ”Tetaplah Berada dalam Kasih Allah”

ROSAI FANDUN YA: Insama Allah imarisen faro ḇaḇesamsyom ro snonkaku oso ido, fandun fa fyarkor Yahwe farkankin Ḇyena ma ifrurna. (Yes 2:3, 4) Syap ”Kasih Allah”, isoine syap ḇesuru fa kobukifarkor Refoya. Syap ine na ifnoḇek ḇefarkor Refo sya fa sifawi nyan rariso sifrur farkankin ḇero Refo ro ras ḇe ras. (Ibr 5:14) Rofyor koḇuk farkarkor Refo ido, kobensewar fa kodif ḇefarkor sya sisnesna insama sna sne ḇenapes fa sfadwer kenem sena.​—Rm 6:17.

RARISO KOFRURNA RAI:

• Wafrur fasasos ḇemnis. Kwarapan rosai fandandun ro ḇefarkor Refoya. Fasos fakfuken ḇefrur fa kyara insama wafawi mnis rosai kyara ma ḇyaḇir ro rosai fyarkorna.​—Ams 20:5; be-IN 259

• Ḇuk kotak ḇero syap ani fa wafnoḇek ḇefarkor Refo insama ifawi pyum fainda rofyor imbranser farkankin ḇero Refoya

• Wafnoḇek ḇefarkor Refo ani fa fyawi pyum snemuk rosai monda nari dunna kuker sneuser ḇyedi. Ḇape, wun awer snemuk ḇe i.​—Gal 6:5

• Ḇefarkor Refoya fyandun farfnoḇek fa ifrur wos ḇefarkin ro Refo ido, fandun fa wafnoḇek i kuker payamyum. Kuker nyan saswarya, wanun ḇe i fa ifrur fararwe ro kankenem ḇyedi snar iswar Yahwe I.​—Ams 27:11; Yoh 14:31