Roma Inai Babo Mgoya, Mgokofenḇair Roi Mgokram ro Mgosnemna faro Sinan Mgoḇesi

Rosai ḇefnai fa wakofenḇair rosai wakram ro snembri faro sinan Besuya? (Ams 23:26) Kukro Yahwe kyur su fa suyuf fararur ḇefandun kaku fa sufarkor ma sufaduru pyum Au. (Mz 127:3, 4) Inja wakofenḇair roi ḇaḇir na ḇa ido, nari samswen fa sufrur fararur Yahwe ikyar faro su kwar na. Oso wer ido, nari wakfarkor ro marandan kankenem suḇena. Imbape, roi nakam fandun fa wakofenḇair na ḇe sinan Besuya ke? Oroḇa. Imboi, wakram awer roi fandun fa sinan Besu suyakfawi na.​—Ams 3:32.

Inja na moḇsa wawos ḇe sinan Besuya rai? Swewar swaf ḇepyum insape fawar roi ḇaḇir na ḇe su. Mam suna swaf ḇaim ido, bisa fas surat ḇe snami ma kmami ḇo fawar roi ḇaḇir na. Mam suyawos roi wamarisen manggun ḇa ido, moḇsa na berai? Waswarepen, suma sumarisen sufnoḇek Au. Suma bati Besuiri, inja na sufrur susa Au ḇa. Swewar kaku fa wakofenḇair roi wakram ro snembri ḇe sinan Besuya ido, nari nbuk roi ḇepyum ḇe Au. Wafrur rarirya ido, na wasmai payamyum ro kenem Beja ro fafisu ine ḇeri ma isof fyoro-fyoro.​—Ams 4:10-12.

MAM VIDIO MOḆSA NA YAWOS PYUM KUKER SINAN AYESU RAI? RAIMNAI KWAREM FAKFUKEN-FAKFUKEN NANE:

• 

  Rosai Esther ma Partik insape sufawi kaku na?

• 

  Farkarkor rosai monda wasmai ro nyan ḇepyum Yesus fyasnai na?

• 

  Rosai ḇefnai fa wakyar sinan Besuya suma suswar Au?

• 

  Mnuk risai monda na ḇefnoḇek Au fa wakofenḇair roi wakram ro snembri faro sinan Besuya?