Refo ya ido rosairiri?

ROSAI REFO ḆYADIR NA

”Fasfas ḇebor ḇeramuma ro Allah.”​—2 Timotius 3:16, Wos Ḇyak ro Rasras.

NUN PAYAMYUM ḆE AU

Kankarem ḇekaku faro fakfuken ḇefandun kaku ro kankenem koḇena.​—Amsal 2:1-5.

Farkankin ḇekaku faro kankenem ro ras ḇe ras.​—Mazmur 119:105.

Saneraro faro ras naiwama.​—Roma 15:4.

RARIRYA KOKYAR FARO SA REFO ḆYADIR NA KE?

Imbo. Isoine nyan rikyor:

• Ḇero do na namnis kam. Refo ya sfas na ro 1.600 taun kuker manfasfas sya se 40. Ḇar ḇeba ya sifawiyae si ḇa. Ḇape, ḇero dori na namnis kam ma wos ḇeyaḇek na oser monda!

• Fawar ḇekaku. Manfasfas fawar dunya sikofenḇair sasar sena ḇa ma er sena. Ḇape, manfasfas Refo sya sfas sasar sena ma er sena.​—2 Tawarikh 36:15, 16; Mazmur 51:1-4.

• Kafkofen fasasna kokyar na. Refo ikofenḇair ḇepon 700 taun moḇ nari Kristus ḇyeḇeaḇen ro ya, ro Betlehem sup Yudea. (Mikha 5:2) Ro moḇ irya ḇeri Yesus ḇyeḇeaḇen!​—Matius 2:1-6.

  Kafkofen fasasna ḇebor ro Refo ya komam na kwar, isof ro ḇar mkun ya. Inja nane kam nḇair Refo ine wos Allah rirya.​—2 Petrus 1:21.