Ḇyaryas ankankinem ḇeḇye faro bin ḇeyink tei ram ro Kamerun
Fasasna Fa Kofari Na
REFO YA INDO ROSAIRIRI?
Fakfuken: Wafawi ke Refoya iso syap ḇekwar oso ro supswan ine? Rariso karkara ḇedi kuker Refoya? [Fasna kankarem ḇeḇeso ro ram randak ya.]
Mnuk: 2Tim 3:16, 17
Wos ḇefarkin: Syap mkun ine fyasnaḇair rosai ḇefnai fa Refoya bisa fa kokyar na ma kobukna ro kankenem koḇena ro ras ḇe ras.
WAMNAF ALLAH INSAMA WAKENEM FIORO
Fakfuken: [Fasna ram ḇeḇe 28-29.] Ro fafisu ine snonkaku ḇebor sya sna agama. Karkara bedi rariso, nane nasrow kwar fa nafrur Allah imarisen ke?
Mnuk: Mat 7:12
Wos ḇefarkin: Syap ine fyasnaḇair naborwer kuker rosai Allah imarisenna ma imarisenḇa na.
ANKANKINEM ḆEḆYE ḆERAMA RO ALLAH!
Fakfuken: Snonkaku ḇebor sya skara snar kowasya ḇardadi ḇero Refo imnis ra kowasya abar ḇebabo ro koran. Sarisa risai ḇeḇardai ro Refo, mam ma rwower kwar na?
Mnuk: 2Tim 3:1-5
Wos ḇefarkin: Syap ine fyasnaḇair snar fafisu ḇesamswen ḇeradine kakuya ine iso ankankinem ḇeḇye faro snonkaku ḇeswar Allah sya. [Fasnaḇair farkarkor ḇeḇe 1, fakfuken ḇeḇe 2.]
WAFRUR FASASNA MANKUN BEDI
Buk fasasna ine fa wafrur fasasna mankun ḇedi.