Farkarkor Rosai Kosmai ro Doya ḇero JW Broadcasting?

Doya ḇero JW Broadcasting minsai wamarisen kaku ya? Wamarisen kukro? Mam ido, doya anna nfasnai kaku roi ḇekur kenem koḇena ro rasras na ke? Fawar ma rakrok ḇyena naḇesisye, mansei monda na sismai farkarkor ro na. Inja, doya ma vidio anna kam nbuk marasrisen monda ḇa.

Doya oser-oser fyarkor ko roi bisa kofrur ro kankenem ma fararmyan Kristen koḇena. Doya ono nfasnaiḇair nyan kofasnai frur pyum, ḇaḇeoser, ḇaḇebati, makak ḇa, saswar, ma kakyar. Doya ono wer, nfasnai nyan koḇuk pyum HP koḇena. Farkarkor rosai wer wasmai ro doya ḇero JW Broadcasting na?

MAM VIDIO DOYA ISYA FYANAM KAKU KWAR, MA KWAREM FAKFUKEN ḆEUSER NANE:

• Barakas rosai imbeswa ḇesinan ansuya suwasenkara na faro ras iyama?​—Kej 12:3

• Rosai na kofrur insama kokyar kaku Yahwe syambraḇ fa ifrur asas Ḇyena fa namnis?

• Fyoro wer ḇa na komarisen kaku kukro kosrow kuker mansei?

• Rariso barakas nari kosmai ro Karajan Allah nafnoḇek ko fa komkuepen?​—Rm 8:25