Nyan fa Koḇuk Awawos fa Koḇukiḇaryas

Ro Januari 2018, Awawos fa Koḇukiḇaryas nasya ro ram ḇarpon ro Kankenem ma Fararmyan Kristen Koḇena—Syapram Farkarkor. Moḇsa na koḇepake na rai?

Ḇena Fasasna ro Ḇarpon: Buk fakfuken, mnuk, ma fakfuken ḇeuser fa wafrur rarama kaḇer ḇeuser ya ro Awawos fa Koḇukiḇaryas. Waso faḇye awer wos ḇero vidio Awawos fa Koḇukiḇaryas na. Bisa buk fasasna ma awawos eḇesena. Bisa wakofenḇair mnuk kuker nyan eḇese kako. Osower ido, buk syap oso ro Roi fa Koḇukifarkor, fyor akurfasna noḇa fa buk syap na.

Ro Fararmyan: Ro Awawos fa Koḇukiḇaryas ifnoḇek pyan au fa wafawi nyan ḇepyum ro ḇaḇeḇaryas. Rofyor waḇaryas, sia simarisen ma sifawi nabor ido, na buk Awawos fa Koḇukiḇaryas fa wafrur rarama kaḇer. Bisa fadwer Awawos fa Koḇukiḇaryas ḇaido buk wos manggun bena. Awawos ro paik iwara ḇaido mnuk eḇese nasrow faro snonggaku ḇero moḇ bedi sya ke? Ḇaido na simarisen syadi fyor wawos roi insape ḇeḇejadi ro moḇ bedi ke? Inja nyan sarirya monda buk ḇaryas ya, ḇefandun ya iso ḇesewar fa ’wafrur nakam rarirya faro Ankankinem Ḇeḇye ro Allah’.​—1Kor 9:22, 23.