”Supswan Ḇesiper Sawos Wos Oser”

11:1-4, 6-9

Yahwe ifrur napnap snonkaku sya wos sena ro Babel ro fyor iwara, mura siryewen ḇe moḇ-moḇ nakam ḇero supswan ine. Mboi, baboine iryur kaḇer raryur ḇeba ro er ma wos ḇebor fa sna wos ḇesren oso. Ifrur roi ine insama sor faro Yahwe snonsnon Ḇyedi, fa sfarmyan kayamyam ḇe I. (Zef 3:9; Why 7:9) Wos ḇesren iso kakaku kuker Yahwe I ma marisen Ḇyena ḇero Refo yadori.

Rofyor snonkaku oso fyarkor wos ḇebabo, na iswarepen wos oser-oser na monda ḇa. Fandun fa fyawi kako snonkaku ḇena wos ani moḇsa skara raya. Rarirya kako, rofyor kofarkor wos ḇesren, kofadwer kako nyan kakara koḇena. (Rm 12:2) Fandun fa kofadwer kakara koḇena ḇesya kwar insama koḇeoser pdef kuker Allah kawasa Ḇyesi.​—1Kor 1:10.