17 Taswe graon blong Efron long Makpela, we i stap long fored blong Mamre, graon ya wetem hol blong ston we i stap long hem mo ol tri long graon ya, oli kam 18 graon blong Ebraham. Hem i pem graon ya long fes blong ol boe blong Het, mo long fes blong ol man we oli kam insaed long get blong taon ya.

9 Nao tufala boe blong hem, Aesak mo Ismael, tufala i berem hem long hol blong ston long Makpela, we i stap long fored blong Mamre, long graon blong Efron we i boe blong Johar we i wan laen blong Het.+ 10 Graon ya, Ebraham i pem long ol boe blong Het. Long ples ya nao oli berem Ebraham long hem, mo waef blong hem Sera.+

27 Nao Jekob i kasem ples we papa blong hem Aesak i stap long hem, long Mamre+ long Kiriataba, hemia Hebron, ples ya we Ebraham mo Aesak i bin stap long hem olsem ol man blong narafala kantri.+

29 Biaen hem i talem long olgeta se: “I no longtaem bambae mi ded mo mi go long beregraon olsem ol olfala blong mi bifo.+ Yufala i mas berem mi long hol blong ston we oli berem ol olfala blong mi long hem, hemia hol blong ston we i stap long graon blong Efron we i wan laen blong Het.+ 30 Hol blong ston ya i stap long Makpela we i stap long fored blong Mamre, long kantri ya Kenan. Ples ya, Ebraham i bin pem long Efron we i laen blong Het, blong i kam beregraon blong hem.