31 Nao Jekob i talem se: “!Fastaem yu salem long mi, raet blong yu olsem fasbon!”+ 32 Mo Esao i gohed, i talem se: “!Yu luk, bambae mi ded nao! ?Raet blong fasbon ya bambae i givhan long mi olsem wanem?” 33 Nao Jekob i gohed i se: “!Yu mas mekem wan strong promes long mi fastaem!” Ale Esao i mekem wan strong promes long hem, mo i salem raet blong hem olsem fasbon, long Jekob.+

10 Be hem i no mekem promes long taem ya nomo. Hem i mekem promes tu, taem Rebeka i gat bel long tufala twin, we papa blong tufala hem i Aesak ya we i olfala blong yumi bifo.+ 11 God i tingting finis long fasin blong jusum wan man. Hem i no lukluk wok we man i mekem, be hem i jusum man nomo we hem i wantem singaotem. Taswe taem tufala twin ya i no bon yet mo tufala i no mekem wan samting we i gud o i nogud yet, 12 God i talem long mama blong tufala se: “Fasbon bambae i kam slef blong sekenbon.”+