31 “Bambae yufala i wokem wan bigfala kaliko+ long blu tred, pepol wul, tred we i laet red, mo gudfala tred ya linen. Mo bambae yufala i somap pija blong ol jerubim long hem. 32 Bambae yufala i hangem bigfala kaliko ya long fo bigfala pos long wud blong akasia we yufala i blokem long gol. Ol huk blong hem bambae yufala i wokem long gol. Ol bigfala pos ya bambae oli stanap long fo stamba ples blong olgeta long silva.