27 Yu mas mekem jes blong ofring ya we yu bin muvum i go i kam i tabu, mo yu mekem tu long leg blong tabu presen ya we yu bin muvum i go i kam mo we i kamaot long man sipsip we oli givim blong putumap+ Eron mo ol boe blong hem oli kam pris. 28 Tufala pis mit ya bambae i blong Eron wetem ol boe blong hem. Hemia wan rul we bambae ol laen blong Isrel oli mas folem oltaem, from we hem i wan tabu presen, mo bambae ol laen blong Isrel oli givim tabu presen ya.+ Tabu presen ya we oli givim i go long Jehova, oli tekemaot long sakrefaes blong pis.+