14 Mo tu, yu wetem ol boe mo ol gel blong yu,+ bambae yufala i kakae jes blong ofring ya we yufala i muvum i go i kam wetem leg blong hem we i wan samting we i tabu,+ mo bambae yufala i kakae long wan ples we i klin. Hemia from we ol mit ya we oli kamaot long sakrefaes blong pis we ol laen blong Isrel oli givim, oli blong yu wetem ol boe blong yu.

19 Olgeta tabu kontribusen we ol laen blong Isrel bambae oli givim long Jehova,+ mi mi givim long yu wetem ol boe mo ol gel blong yu, mo bambae i blong yufala oltaem.+ Hemia wan kontrak blong sol* we i stap bitwin Jehova mo yu wetem ol pikinini blong yu.”