3 “‘Sipos ofring blong hem we i bon fulwan i wan buluk, hem i mas givim wan bul we i no gat wan samting i rong long bodi blong hem.+ Man ya i mas glad nomo blong givim animol ya,+ mo hem i mas putum long fes blong Jehova long doa blong tent blong miting.

22 Yufala i no mas givim ofring we i blaen, o leg blong hem i brok, o i gat kil, o wan samting i solap long skin blong hem, o i gat soa we wota blong hem i ron, o i gat ringwom. Yufala i no mas givim animol olsem long Jehova o bonem long olta blong givim olsem ofring long Jehova.