3 Bambae hem i tekem sam haf blong sakrefaes ya blong pis, mo i bonem long faea blong givim i go long Jehova olsem wan ofring.+ Hemia ol gris+ we i kavremap ol gat blong animol ya mo evri gris we i raonem ol gat ya, 4 mo tufala kidni wetem evri gris we oli stap klosap long tufala. Mo tu, bambae hem i tekemaot gris we i stap long leva wetem tufala kidni ya.+ 5 Ol boe blong Eron bambae oli putum ol samting ya antap long ofring we i bon fulwan we i stap long ol wud antap long faea,+ mo bambae oli bonem ol samting ya blong mekem oli smok long olta. Hemia wan ofring we oli bonem mo smel blong hem i mekem Jehova i glad.*+