10 “‘Sipos ofring blong hem we i bon fulwan i wan yang man sipsip no nani, animol ya+ i no mas gat wan samting i rong long bodi blong hem.+ 11 Oli mas kilim animol ya long fes blong Jehova, long saed blong olta we i fesem not, mo ol boe blong Eron, hemia ol pris, bambae oli tekem blad blong animol ya mo oli saksakem long evri saed blong olta.+

25 “Yu talem long Eron mo ol boe blong hem se: ‘Hemia loa blong ofring blong sin:+ Bambae oli kilim ofring blong sin+ long fes blong Jehova, long sem ples we oli kilim animol blong ofring we i bon fulwan. Hemia wan samting we i tabu we i tabu.