35 “‘“Mi Jehova, mi toktok. Mo hemia samting we bambae mi mekem long rabis asembli ya, hemia olgeta we oli joen wanples blong agensem mi: Bambae laef blong olgeta i finis long draeples ya, mo bambae oli ded long ples ya.+

16 Nao i gat wan man we nem blong hem Kora,+ hem i boe blong Isa,+ mo Isa i boe blong Kohat+ mo Kohat i boe blong Livae.+ Kora ya i joen wetem Datan mo Abiram we tufala i boe blong Eliab,+ mo wetem On we i boe blong Pelet we i kamaot long Ruben.+ 2 Olgeta ya oli girap agensem Moses. Oli joen wetem 250 narafala man Isrel, hemia ol jif blong asembli, ol man we oli jusumaot olgeta long kongregesen mo we ol man oli savegud olgeta.

19 Taem Kora i mekem ol sapota blong hem+ we oli agensem tufala oli kam hivap long doa blong tent blong miting, glori blong Jehova i kamtru long ful asembli ya.+

35 Nao Jehova i mekem faea i kamaot,+ mo i bonem ol 250 man ya we oli stap bonem insens.+