12 Ol taon ya bambae oli kam ol ples blong haed blong yufala, blong ronwe long man we i gat raet blong givimbak.+ Olsem nao man ya we i kilim narafala i ded, i save haed long ples ya kasem we oli jajem hem long fored blong asembli.+

4 Man ya i mas ronwe i go long wan long ol taon ya,+ i stanap long get blong taon ya+ mo i talemaot samting we hem i mekem, blong ol lida blong taon ya oli harem. Biaen ol lida ya oli mas tekem hem i go insaed long taon mo oli givim wan ples long hem blong i stap long hem. 5 Sipos man we i gat raet blong givimbak i go from hem blong kilim hem, ol lida ya oli no mas letem hem i go long han blong man ya, from we hem i no minim blong kilim man i ded,* mo i no min se tufala i enemi.+