2 “Ol laen blong Isrel oli mas kamp long ples we traeb blong olgeta i stap long hem. Bambae i gat tri traeb+ oli stap long wan saed. Mo evriwan oli mas stap klosap long saen we i soemaot traeb blong olgeta. Oli mas mekem kamp blong olgeta i fesem tent blong miting* mo oli mas kamp raon long hem.

34 Ol laen blong Isrel oli mekem evri samting we Jehova i bin talem long Moses. Hemia nao olsem wanem oli mekem kamp blong olgeta long saed we trifala traeb blong olgeta i stap long hem,+ mo olsem wanem oli tekemaot tent blong olgeta,+ folem famle blong olgeta mo haos blong papa blong olgeta.