25 Wok blong ol boe blong Geson+ long tent blong miting, hemia blong lukaot long tabenakel mo tent,+ ol bigfala kaliko,+ skrin+ blong doa blong tent blong miting, 26 ol bigfala kaliko+ blong yad, skrin+ blong doa blong yad we i goraon long tabenakel mo olta, ol rop blong tent, mo evri wok we i joen wetem ol samting ya.

30 Man we i jif long haos blong papa blong hem long laen blong Kohat, hem i Elijafan we i boe blong Usiel.+ 31 Wok blong olgeta i blong lukaot long Bokis,+ tebol,+ ples blong putum laet,+ ol olta,+ ol samting olsem kap mo plet+ blong yusum long minista wok long holi ples, skrin,+ mo evri wok we i joen wetem ol samting ya.+

36 Wok blong ol boe blong Merari i blong lukaot long ol frem+ blong tabenakel, ol stik blong hem,+ ol bigfala pos blong hem,+ ol stamba ples blong ol bigfala pos ya, olgeta samting blong yusum long tabenakel,+ mo evri wok we oli joen wetem ol samting ya,+ 37 mo ol bigfala pos we oli stap raon long yad wetem ol stamba ples blong olgeta,+ ol rop blong tent, mo ol aean blong holemtaet ol rop ya.