11 “‘Sipos hem i no naf blong givim tu sotleg o tu yang pijin olsem nawimba, hem i mas fulumap flaoa we i nambawan long wan kontena blong tu lita*+ olsem wan ofring, mo i givim blong mekem ofring blong sin. Hem i no mas kafsaedem oel long hem mo i no mas putum frangkinsens long hem, from we hemia wan ofring blong sin. 12 Hem i mas karem i kam long pris, mo pris bambae i pusum han blong hem i go insaed long flaoa ya, i tekem sam flaoa ya long han blong hem, mo i bonem antap long ol ofring blong Jehova we oli bonem long faea, blong mekem i smok long olta mo blong soemaot we man ya i givim ofring ya i go long God. Hemia wan ofring blong sin.

25 “Yu talem long Eron mo ol boe blong hem se: ‘Hemia loa blong ofring blong sin:+ Bambae oli kilim ofring blong sin+ long fes blong Jehova, long sem ples we oli kilim animol blong ofring we i bon fulwan. Hemia wan samting we i tabu we i tabu. 26 Pris we i mekem ofring ya blong sin, bambae i kakae ofring ya.+ Mo bambae hem i kakae long holi ples, hemia long yad blong tent blong miting.+