31 Ol smosmol animol ya oli no klin.+ Sipos wan man i tajem dedbodi blong olgeta, bambae hem i no klin long fes blong God go kasem sapa.+

32 “‘Nao sipos wan long ol animol ya i ded mo i foldaon long wan samting, samting ya bambae i no klin, nating se i wan samting we yufala i yusum we oli wokem long wud, o wan klos, wan skin, o wan pis blong klos we oli wokem long bag. Eni samting we yufala i yusum, yufala i mas draonem long wota, mo samting ya bambae i no klin long fes blong God go kasem sapa, biaen bambae i kam klin.