12 Nao Jehova i talem long Ebram se: “Yu aot long ples blong yu, mo long ol famle blong yu, mo long haos blong papa blong yu, mo yu go long ples we bambae mi soem long yu.+ 2 Bambae mi mekem wan bigfala nesen i kamaot biaen long yu, mo bambae mi blesem yu, mo mi mekem nem blong yu i hae, mo from yu nao bambae olgeta man oli kasem blesing.+ 3 Bambae mi blesem olgeta we oli blesem yu, mo bambae mi singaot trabol i go long olgeta we oli singaot trabol i kam long yu,+ mo from yu nao bambae olgeta famle long wol ya oli kasem blesing.”+

15 Nao enjel blong Jehova long heven i singaot Ebraham bakegen,

17 bambae mi blesem yu mo bambae mi mekem ol pikinini* blong yu oli kam plante olsem ol sta long heven mo olsem sanbij long saed blong solwota.+ Mo pikinini* blong yu bambae i winim taon* blong ol enemi blong hem.+

3 Yu stap long ples ya olsem wan man blong narafala kantri,+ mo bambae mi gohed blong stap wetem yu mo blesem yu, from we bambae mi givim olgeta ples long kantri ya long yu mo long ol pikinini* blong yu.+ Mo bambae mi holemtaet strong promes we mi mekem long papa blong yu Ebraham, hemia se:+ 4 ‘Bambae mi mekem pikinini* blong yu i kam plante olsem ol sta long heven,+ mo bambae mi givim olgeta ples long kantri ya long ol pikinini* blong yu,+ mo olgeta nesen long wol bambae oli kasem blesing tru long pikinini* blong yu.’+

25 Yufala i mas wosipim Jehova we i God blong yufala,+ mo hem bambae i blesem bred mo wota blong yufala.+ Bambae mi tekemaot ol sik blong yufala.+