20 “Yu mas fraet long Jehova we i God blong yu, mo yu mas wosipim hem,+ yu mas fasgud long hem, mo mekem ol promes long nem blong hem.

4 Yufala i mas biaen nomo long God blong yufala Jehova, mo yufala i mas fraet long hem, yufala i mas holemtaet ol komanmen blong hem nomo, yufala i mas lesin long voes blong hem nomo, yufala i mas mekem wosip long hem nomo, mo yufala i mas fasgud long hem nomo.+

5 Be wan samting nomo, yufala i mas obei gud long ol komanmen mo ol Loa we Moses man blong wok blong Jehova i givim long yufala.+ Yufala i mekem olsem taem yufala i lavem Jehova God blong yufala,+ yufala i wokbaot long olgeta rod blong hem,+ yufala i folem gud olgeta komanmen blong hem,+ yufala i fasgud long hem,+ mo yufala i mekem wok blong hem+ long olgeta hat blong yufala mo olgeta sol* blong yufala.”+