• Dutronome 12:31
    Baebol Long Niu Wol Translesen

    • 31 Yu no mas mekem olsem long Jehova God blong yu, from we ol man ya oli stap mekem plante nogud samting blong ol god blong olgeta, hemia ol samting we Jehova i no laekem nating. Mo oli stap bonem tu ol boe mo ol gel blong olgeta long faea blong givim i go long ol god blong olgeta.+

  • 2 King 16:3
    Baebol Long Niu Wol Translesen

    • 3 Hem i wokbaot folem rod we ol king blong Isrel oli stap folem,+ mo tu hem i mekem prapa boe blong hem i pastru long faea,+ folem ol rabis fasin blong ol nesen+ we Jehova i bin ronemaot olgeta long fored blong ol man Isrel.

  • 2 Kronikel 28:1
    Baebol Long Niu Wol Translesen

    • 28 Ahas+ i gat 20 yia taem hem i kam king, mo hem i rul long Jerusalem blong 16 yia. Hem i no mekem olsem we bubu blong hem Deved i bin mekem, be hem i mekem samting we i no stret long ae blong Jehova.+

  • 2 Kronikel 28:3
    Baebol Long Niu Wol Translesen

    • 3 Mo tu, hem i mekem ol sakrefaes i smok long Vali Blong Boe Blong Hinom* mo i bonem ol boe blong hem long faea,+ folem ol rabis fasin blong ol nesen+ we Jehova i bin ronemaot olgeta long fored blong ol man Isrel.

  • Ol Sam 106:35-37
    Baebol Long Niu Wol Translesen

    • 35 Be oli go joen wetem ol man blong ol nesen+

      Mo oli tekem* ol fasin blong olgeta.+

      36 Oli gohed blong wosipim ol aedol blong olgeta,+

      Nao fasin ya i kam olsem wan trap blong olgeta.+

      37 Oli stap bonem ol boe mo ol gel blong olgeta

      Olsem sakrefaes i go long ol dimon.+

  • Jeremaea 32:35
    Baebol Long Niu Wol Translesen

    • 35 Antap long samting ya, oli wokem ol hae ples blong Bal long Vali Blong Boe Blong Hinom,*+ blong oli mekem ol boe blong olgeta mo ol gel blong olgeta oli pastru long faea blong givim i go long Molek.+ Hemia wan samting we mi no bin talem long olgeta blong mekem+ mo i neva kam long hat blong mi* blong mekem wan rabis samting olsem, blong mekem Juda i foldaon long sin.’