18 “Long olgeta taon ya we Jehova God blong yu i givim long yu, yu mas putumap ol jaj+ mo ol ofisa blong oli lukaot long ol wanwan traeb, mo olgeta ya oli mas jajem ol man long stret fasin.

8 “Sipos i gat wan trabol long ol taon blong yu, we i strong tumas blong yu jajem, olsem long saed blong blad i ron,+ saed blong loa, wan faet we i bin hapen, o ol raorao, yu mas go long ples we Jehova God blong yu i jusumaot.+ 9 Yu go luk ol pris long laen blong Livae mo man we i jaj+ long taem ya, mo yu askem kwestin long olgeta, nao bambae olgeta oli talemaot desisen blong olgeta long yu.+

16 Sipos wan witnes i talem sam samting blong spolem wan man mo i talem se hem i brekem loa,+ 17 bambae tufala man ya we tufala i stap rao, tufala i kam stanap long fored blong Jehova, mo long fored blong ol pris wetem ol jaj we oli wok long taem ya.+