16 Long en blong namba 3 dei, afta we oli mekem kontrak wetem olgeta, oli jes faenemaot se ol man ya oli stap klosap nomo long olgeta. 17 Nao ol man Isrel oli aot, oli go long ol taon blong ol man ya, hemia Gibeon,+ Kefira, Beherot, mo Kiriatsearim,+ long namba 3 dei.

2 Nao Deved wetem olgeta man we oli stap wetem hem, oli go long Bahalajuda blong karem Bokis blong tru God i kam.+ Bokis ya, ol man oli stap go long fored blong hem blong singaot long nem blong Jehova komanda blong ol ami,+ we i sidaon long jea blong king, antap long* ol jerubim.+

6 Nao Deved wetem olgeta man Isrel oli go antap long Bahala,+ long Kiriatsearim, ples blong ol man Juda. Oli go antap ya blong tekem Bokis blong trufala God Jehova, we i sidaon long jea blong king, antap long* ol jerubim,+ ples ya we ol man oli stap singaot long nem blong God.