4 Ale Sol i talem long man ya we i stap karem ol tul blong faet blong hem, se: “Yu pulumaot naef blong faet blong yu mo yu stikim mi mi ded, olsem nao ol man ya we oli no sakomsaes+ bambae oli no mekem i nogud long mi,* mo stikim mi mi ded.” Be man blong karem ol tul blong faet blong hem i no wantem mekem, from we hem i fraet tumas. Ale Sol i tekem naef blong faet mo i foldaon antap long hem.+

18 Taem Simri i luk we oli holemtaet taon ya, hem i go insaed long taoa blong haos* blong king mo i bonem haos ya wetem hem insaed, nao hem i ded.+

23 Be yu God, bambae yu mekem olgeta oli godaon long hol ya we i dip olgeta.+

Olgeta we oli gat fol from blad blong narafala, mo ol man blong giaman, bambae oli ded we oli strong nomo.+

Be mi, bambae mi trastem yu.

3 Judas ya we i letem hem i go long han blong ol enemi, i luk we oli jajem Jisas se hem i mas ded, nao hem i tingtingbak mo hem i sore, ale hem i tekem 30 silva mane ya, i go luk ol jif pris mo ol elda blong givimbak long olgeta.+

5 Nao hem i sakem ol silva mane ya insaed long tempol, nao i aot. Biaen hem i go mo i hangem nek blong hem.+

18 (Man ya i pem wan pis graon wetem mane ya we hem i winim long fasin nogud,+ mo hem i foldaon, i planem hed blong hem, nao bodi blong hem i bosta mo ol gat blong hem oli kamkamaot.+