15 Nao wido ya i go mekem olsem we Elaejah i talem, mo hem wetem Elaejah mo famle blong hem oli gat kakae long plante dei.+ 16 Nao flaoa long bigfala jag ya i no finis mo oel we i stap long smol jag ya tu i no finis, stret olsem we Jehova i bin talem long Elaejah.

22 Jehova i lesin long samting we Elaejah i askem,+ mo i givimbak laef* blong pikinini ya, nao hem i laef bakegen.+

24 Nao woman ya i talem long Elaejah se: “Naoia mi mi save se i tru we yu yu man blong God,+ mo tok blong Jehova we yu yu stap talemaot i tru.”

36 Samwe long sapa, long taem blong givim sid ofring,+ profet ya Elaejah i muv i go long fored blong olta mo i talem se: “O Jehova, God blong Ebraham,+ Aesak,+ mo Isrel, yu letem oli save tede se yu nao yu God long Isrel, mo se mi mi man blong wok blong yu, mo olgeta samting ya we mi stap mekem, yu nao yu talem long mi blong mi mekem.+

38 Nao faea blong Jehova i kamdaon, i bonem ofring ya we i blong bon fulwan+ wetem ol faeawud, ol ston, mo das, mo i draemap wota we i stap long hol ya.+

46 Be han blong Jehova i kam long Elaejah, nao hem i mekem klos blong hem i goraon long hips blong hem mo i fasemtaet, ale i ron i go fastaem long Ehab, i go kasem Jisrehel.

8 Nao Elaejah i tekem spesel klos blong hem,+ i rolemap, mo i kilim reva ya long hem, nao wota ya i seraot long tu haf, haf i stap long lef mo haf i stap long raet. Nao tufala i wokbaot long drae graon nomo blong gokros.+

11 Nao taem tufala i stap wokbaot i go mo tufala i stap toktok, wantaem nomo wan jariot wetem ol hos we oli olsem faea,+ i kam pas long medel blong tufala, mo Elaejah i go antap long heven* long wan strong win.+

17 Hem bambae i go fastaem long God, mo tingting blong hem mo paoa blong hem bambae i olsem blong Elaejah.+ Bambae hem i go blong jenisim hat blong ol papa, blong oli kam olsem ol pikinini,+ mo blong jenisim hat blong ol man we oli no obei blong oli kasem waes blong ol stret man. Hem i mekem olsem blong mekem ol man oli rere long Jehova.”*+

19 Hemia tok we Jon i talemaot taem ol man Jiu long Jerusalem oli sanem sam pris mo sam Livaet blong oli askem long hem se: “?Yu yu hu?”+

21 Nao oli askem long hem se: “?Oraet, be yu yu hu? ?Yu yu Elaejah?”+ Hem i ansa se: “No.” Ale oli askem se: “?Yu yu Profet ya we oli bin talemaot se bambae i kam?”+ Hem i ansa se: “!Nogat!”