14 Biaen Jehu+ we papa blong hem Jehosafat we i boe blong Nimsi, i mekem plan blong agensem Jehoram.

Long taem ya Jehoram wetem ol man Isrel oli stap long Ramotgilead,+ blong protektem Isrel, blong King Hasael+ blong Siria i no kam spolem.

24 Be Jehu i tekem bonara blong hem mo i sutum Jehoram bitwin long tufala solda blong hem, nao ara ya i gotru long hat blong hem, nao hem i foldaon insaed long jariot blong hem.

6 Nao Jehu i raetem wan narafala leta, we i talem se: “Sipos yufala i man blong mi mo yufala i glad blong obei long mi, yufala i givim hed blong ol boe blong masta blong yufala long mi, mo tumoro long sem taem olsem, yufala i kam luk mi long Jisrehel.”

Long taem ya, ol 70 boe ya blong king oli stap wetem ol haeman blong taon ya, we oli stap lukaot long olgeta. 7 Nao stret long taem we oli kasem leta ya, oli tekem ol 70 boe+ ya blong king mo oli kilim olgeta evriwan oli ded, biaen oli putum hed blong olgeta insaed long ol basket, mo oli sanem i go long Jehu long Jisrehel.

23 Biaen Jehu wetem Jehonadab+ we i boe blong Rekab, tufala i go insaed long haos blong Bal. Nao Jehu i talem long ol man blong wosipim Bal se: “Yufala i jekemgud se insaed long ples ya, i no mas gat wan man we i stap wosipim Jehova, i mas gat ol man blong wosipim Bal nomo.”

25 Stret long taem we hem i finis blong mekem ofring ya we i bon fulwan, Jehu i talem long ol gad* mo ol man we oli stap givhan long hem mo we hem i trastem olgeta, i se: “!Yufala i kam insaed mo kilim olgeta ya i ded! !Yufala i no mas letem wan long olgeta i ronwe!”+ Ale oli kam insaed mo oli kilim ol man ya long naef blong faet, mo oli sakem olgeta i go aotsaed, oli mekem olsem go kasem tabu ples ya we i stap insaed olgeta long haos blong Bal.