3 Hemia ol boe blong Deved we oli bon long Hebron:+ Fasbon, Amnon+ we mama blong hem Ahinoam+ blong Jisrehel. Sekenbon, Daniel we mama blong hem Abigel+ blong Kamel. 2 Namba 3, Absalom+ we i boe blong Mahaka, dota blong Talmae we i king blong Gesuru. Namba 4, Adonaejah+ we i boe blong Hagit. 3 Namba 5, Sefatia we mama blong hem Abital. Mo namba 6, Itriam we mama blong hem Eglaha we i waef blong Deved. 4 Ol sikis boe ya blong Deved oli bon long Hebron. Long ples ya, hem i rul 7 yia mo 6 manis, mo hem i rul 33 yia long Jerusalem.+

5 Hemia ol boe blong Deved we hem i bonem olgeta long Jerusalem:+ Simea, Sobab, Natan,+ mo Solomon.+ Mama blong ol fo boe ya hem i Batseba+ we i gel blong Amiel. 6 Mo Deved i gat naen narafala boe, we nem blong olgeta Ibara, Elisama, Elifelet, 7 Noga, Nefeg, Jafia, 8 Elisama, Eliada, mo Elifelet. 9 Olgeta evriwan ya oli ol boe blong Deved, mo hem i gat sam moa boe bakegen we ol narafala woman blong hem oli bonem, mo Tamara+ hem i sista blong olgeta.