8 Nao Hesekia i askem long Aesea se: “?Wanem saen+ nao bambae i soemaot se Jehova bambae i mekem mi mi kam gud bakegen, mo se long namba 3 dei, bambae mi go antap long haos blong Jehova?” 9 Nao Aesea i ansa se: “Hemia saen we i kam long Jehova, blong soemaot long yu se Jehova bambae i mekem samting we hem i bin talem: ?Yu yu wantem se sado blong san we i stap long step ya,* bambae i muv i go ten step long fored o i muv ten step i kambak?”+ 10 Nao Hesekia i talem se: “I isi nomo blong sado i muv i go ten step long fored, be i no isi blong i arier i kambak ten step.” 11 Nao profet ya Aesea i singaot i go long Jehova, mo Hem i mekem sado blong san we i bin muv i godaon finis long step blong Ahas, i muv i kambak ten step.+

8 Bambae mi mekem se sado blong san we i stap muv i godaon long step* blong Ahas, bambae i muv i kambak ten step.”’”+ Nao san i muv i kambak ten step, long step ya we i bin godaon long hem finis.