15 O Jehova, ?hu i save stap olsem gest* long tent blong yu?

?Hu i save stap long bigfala hil blong yu we i tabu?+

 2 Hemia man we i stap wokbaot folem stret fasin,*+

I stap mekem ol samting we i stret+

Mo long hat blong hem, hem i stap tok tru oltaem.+

 3 Hem i no yusum tang blong hem blong spolem nem blong ol narafala,+

Hem i no mekem nogud long neba blong hem,+

Mo i no talem ol giaman tok long saed blong ol fren blong hem.*+

 4 Hem i sakemaot eni man we i rabis olgeta,+

Be hem i stap ona long olgeta we oli stap fraet* long Jehova.

 5 Hem i stap givim lonmane, we i no mekem man i pem intres,+

Mo hem i no save akseptem dotimane blong agensem man we i no gat fol.+

 4 Mi mi bin askem wan samting long Jehova,

Samting ya nao bambae mi lukaotem,

Blong mi save stap long haos blong Jehova long olgeta dei long laef blong mi,+

Nao mi save luklukgud ol gudfala fasin blong Jehova

Mo mi save luk tempol* blong hem, we mi glad tumas from.*+

84 !O Jehova komanda blong ol ami,

Bigfala tabenakel* blong yu i naes tumas!*+

 2 Ful bodi blong mi* i wantem tumas,

Yes, i wantem tumas yad blong Jehova,+

Gogo ae blong mi i dak from.

 3 Pijin tu i mekem hom long ples ya

Mo swalo i mekem nes blong hem long ples ya,

Nao i stap lukaot long pikinini blong hem

Klosap long olta blong yu, Jehova komanda blong ol ami,

King blong mi mo God blong mi.

 4 !Olgeta we oli stap laef long haos blong yu, oli glad!+

Oli gohed blong presem yu.+ (Selah)

10 !From wan dei nomo long yad blong yu, hem i gud moa i winim wan taosen dei long wan narafala ples!+

Mi mi jusum blong stanap long doa long haos blong God blong mi

I bitim we mi stap insaed long ol tent blong ol nogud fasin.