11 Nao olgeta oli singsing+ blong presem Jehova mo talem tangkiu long hem, “from we hem i gud, mo fasin blong hem blong lavem Isrel oltaem i stap olwe.”+ Taem oli singsing, samfala oli singsing fastaem, afta ol narafala oli singsing blong ansa long olgeta. Biaen olgeta man oli stap singsingaot bigwan blong presem Jehova, from we oli wokem fandesen blong haos blong Jehova finis.