15 Nao Deved i gohed blong rul long olgeta ples long Isrel,+ mo Deved i rulum olgeta man blong hem+ long jastis mo long stret fasin.+

6 Nao Solomon i talem se: “Yu yu soemaot se oltaem yu lavem papa blong mi Deved we i man blong wok blong yu, from we taem hem i wokbaot long fored blong yu, oltaem hem i fasgud long yu, i mekem i stret, mo hat blong hem i klin. Mo kam kasem tede, yu yu gohed yet blong soemaot lav ya long hem, taem yu givim wan boe long hem blong i sidaon long jea blong hem.+

4 Mo long saed blong yu, sipos yu mekem olsem papa blong yu Deved, yu wokbaot oltaem long fored blong mi+ wetem fulhat blong yu,+ mo yu mekem samting we i stret+ taem yu mekem evri samting we mi mi talem long yu,+ mo yu obei long ol rul mo ol jajmen blong mi,+

5 from we long ful laef blong Deved, hem i mekem samting we i stret long ae blong Jehova, mo hem i no tanem baksaed long ol samting we God i talem long hem. Wan samting nomo we hem i mekem we i nogud, hemia bisnes blong Uria we i wan laen blong Het.+