• Jenesis 17:8
    Baebol Long Niu Wol Translesen

    • 8 Mo kantri ya we yu stap long hem olsem wan man blong narafala kantri,+ yes ful kantri blong Kenan, bambae mi givim long yu mo long ol pikinini* blong yu we bambae oli kamaot afta long yu. Bambae kantri ya i blong yufala blong olwe, mo mi bambae mi God blong olgeta.”+

  • Jenesis 23:4
    Baebol Long Niu Wol Translesen

    • 4 “Mi mi wan man blong narafala kantri mo wan man kam nomo long medel blong yufala.+ Yufala i givim wan graon long mi blong i kam wan ples blong berem ol dedman, olsem nao mi save berem dedbodi blong waef blong mi.”

  • 1 Kronikel 16:19-22
    Baebol Long Niu Wol Translesen

    • 19 Long taem ya, namba blong yufala i smol nomo,

      Yes, yufala i no plante, mo yufala i man blong narafala kantri nomo long ples ya.+

      20 Oli stap wokbaot olbaot, oli aot long wan nesen i go long narafala nesen,

      Oli aot long wan kingdom i go long ol man blong narafala ples.+

      21 Hem i no letem wan man nating i spolem olgeta,+

      Be hem i stretem ol king from olgeta,+

      22 Hem i se: ‘Yufala i no mas tajem ol man blong mi we mi makemaot olgeta,

      Mo yufala i no mas mekem wan nogud samting long ol profet blong mi.’+

  • Ol Wok 7:4, 5
    Baebol Long Niu Wol Translesen

    • 4 Nao hem i aot long Koldia mo i go stap long Haran. Biaen, taem papa blong hem i ded,+ God i tekem hem i kam stap long kantri ya we yufala i stap long hem naoia.+ 5 Be God i no givim wan graon long kantri ya long hem, i no givim wan smol pis nating we i naf blong hem i putum leg blong hem long hem. Be hem i promes blong givim kantri ya long hem, mo kantri ya bambae i blong hem wetem pikinini* blong hem,+ nating se long taem ya, hem i no gat pikinini yet.