13 Nao God i talem long Ebram se: “Yu mas save se ol pikinini* blong yu bambae oli stap olsem ol man blong narafala kantri long wan kantri we i no blong olgeta, mo ol man long kantri ya bambae oli mekem olgeta oli kam ol slef mo oli mekem i strong long olgeta blong 400 yia.+ 14 Be bambae mi jajem nesen ya we i mekem olgeta oli kam slef,+ nao biaen bambae olgeta oli aot wetem plante gudfala samting.+

22 Evri woman oli mas askem long neba blong olgeta mo long woman blong narafala ples we i stap long haos blong olgeta, se oli mas givim ol samting we oli wokem long silva mo gol, wetem ol klos. Mo bambae yufala i putum olgeta long ol boe mo ol gel blong yufala, mo bambae yufala i tekemaot ol gudgudfala samting blong ol man Ijip.”+

35 Biaen ol laen blong Isrel oli mekem samting we Moses i bin talem long olgeta, oli askem long ol man Ijip blong oli givim ol samting we oli wokem long silva mo gol, wetem ol klos.+ 36 Mo Jehova i mekem se ol man Ijip oli glad long ol man blong hem, ale oli givim eni samting we oli askem. Nao long fasin ya, oli tekemaot ol gudgudfala samting blong ol man Ijip.+