• Esra 3:11
    Baebol Long Niu Wol Translesen

    • 11 Nao olgeta oli singsing+ blong presem Jehova mo talem tangkiu long hem, “from we hem i gud, mo fasin blong hem blong lavem Isrel oltaem i stap olwe.”+ Taem oli singsing, samfala oli singsing fastaem, afta ol narafala oli singsing blong ansa long olgeta. Biaen olgeta man oli stap singsingaot bigwan blong presem Jehova, from we oli wokem fandesen blong haos blong Jehova finis.

  • Ol Sam 106:47
    Baebol Long Niu Wol Translesen

    • 47 O Jehova, God blong mifala, yu sevem mifala,+

      Mo yu tekemaot mifala long ol nesen i kam wanples+

      Blong mifala i save talem tangkiu long tabu nem blong yu

      Mo blong mifala i glad, mifala i presem yu.+

  • Aesea 49:13
    Baebol Long Niu Wol Translesen

    • 13 Heven, yu glad yu singaot, mo wol, yu harem gud.+

      I gud ol bigfala hil oli hapi, oli stap singsingaot from.+

      From we Jehova i mekem ol man blong hem oli harem gud finis,+

      Mo hem i sore long ol prapa man blong hem we oli stap safa.+

  • Jeremaea 31:12
    Baebol Long Niu Wol Translesen

    • 12 Bambae oli kam long hae ples long Saeon mo oli singaot from oli glad+

      Mo bambae oli hapi from gudfala fasin blong* Jehova,

      Mo from ol sid mo ol niu waen+ mo ol oel,

      Mo from ol yang sipsip mo ol yang animol.+

      Bambae oli* kam olsem wan garen we i gat plante wota,+

      Mo bambae oli neva lusum paoa bakegen.”+