• 1 King 8:66
    Baebol Long Niu Wol Translesen

    • 66 Nao long nekis dei,* hem i sanem ol man oli go wanwan, nao olgeta oli blesem king, mo biaen oli gobak long haos blong olgeta we oli glad tumas, mo hat blong olgeta i harem gud from olgeta gudfala samting+ we Jehova i bin soemaot long man blong wok blong hem Deved mo long ol man Isrel.

  • Ol Sam 31:19
    Baebol Long Niu Wol Translesen

    • 19 !Gudfala fasin blong yu i bigwan tumas!+

      Yu yu putumgud i stap se i blong olgeta we oli fraet* long yu,+

      Mo yu bin soemaot fasin ya long fes blong ol man, long bihaf blong olgeta we oli stap kam haed long yu.+

  • Aesea 63:7
    Baebol Long Niu Wol Translesen

    •  7 Bambae mi tokbaot ol wok we Jehova i mekem, we i soemaot se hem i lavem ol man oltaem,

      Hemia ol wok ya blong Jehova we i stret nomo blong man i presem hem from,

      Yes, from evri samting we Jehova i mekem long yumi,+

      Hemia plante gudgudfala samting we hem i mekem finis long haos blong Isrel,

      From we hem i gat sore, mo from bigfala lav blong hem.

  • Jeremaea 31:12
    Baebol Long Niu Wol Translesen

    • 12 Bambae oli kam long hae ples long Saeon mo oli singaot from oli glad+

      Mo bambae oli hapi from gudfala fasin blong* Jehova,

      Mo from ol sid mo ol niu waen+ mo ol oel,

      Mo from ol yang sipsip mo ol yang animol.+

      Bambae oli* kam olsem wan garen we i gat plante wota,+

      Mo bambae oli neva lusum paoa bakegen.”+