25 Mo yu nao yu yusum tabu spirit blong pulum olfala ya blong mifala Deved,+ we i man blong wok blong yu, blong hem i talem se: ‘?From wanem ol nesen oli wari tumas, mo ol man oli stap tingting dip long ol samting we oli blong nating nomo? 26 Ol king blong wol ya oli stanap rere, mo ol rula oli stap hivap wanples olsem wan grup blong agensem Jehova* mo agensem man ya blong hem we hem i makemaot.’*+ 27 Tok ya i tru, from we Herod mo Ponjes Paelat+ wetem ol man blong ol nesen mo ol man Isrel, oli kam wanples long taon ya mo oli agensem tabu man blong wok blong yu, Jisas, we yu yu makemaot hem.+ 28 Olgeta oli kam wanples blong mekem samting we yu yu bin talemaot finis. Ol samting ya oli kamtru folem stamba tingting blong yu mo from we yu yu gat paoa.+