23 Yu girap, yu leftemap yu wan agensem Masta blong heven,+ mo yu talem long olgeta blong oli karem ol samting long haos blong hem i kam long yu.+ Biaen yu mo ol haeman blong yu, ol narafala woman blong yu mo ol narafala waef blong yu, yufala i dring waen long olgeta, nao yufala i stap presem ol god ya long silva mo gol, long kopa, aean, wud, mo ston. Ol god ya oli no save luk wan samting mo oli no harem wan samting, mo oli no save wan samting.+ Be yu yu no leftemap God ya we i holem win blong yu+ mo ol rod blong yu.

30 Long sem naet ya nomo, oli kilim Belsasa, king blong ol man Koldia.+

21 Nao long wan spesel dei, Herod i werem ol flas klos blong king, mo i go sidaon long ples blong jajem ol man, nao hem i stat blong toktok long ol man. 22 Ale ol man we oli hivap long ples ya, oli singaot bigwan se: “!Hemia voes blong god stret ya, i no blong man!” 23 Nao wantaem nomo, enjel blong Jehova* i kilim hem from we hem i no givim glori long God. Mo ol wom oli kakae hem nao hem i ded.