2 Sipos wan man i mekem wan strong promes+ long Jehova, o hem i mekem wan strong promes+ se bambae hem i no mekem wan samting, ale i talem nem blong wan samting blong mekem tok blong hem i strong, hem i no mas brekem promes blong hem.+ Hem i mas mekem evri samting we hem i promes blong mekem.+

4 Sipos yu mekem wan strong promes long God, yu no mas slo blong mekem samting we yu promes blong mekem,+ from we hem i no glad long wan stupid man.+ Wanem strong promes we yu mekem, yu mas holem.+

6 Yu no letem maot blong yu i mekem se yu* mekem sin,+ mo yu no mas talem long fored blong wan enjel* se hemia wan mastik nomo.+ ?From wanem yu wantem mekem tru God i kros long yu from samting we yu talem, nao hem i mas distroem ol wok blong han blong yu?+

33 “Bakegen, yufala i harem finis we oli talem long ol olfala bifo se: ‘Yufala i no mas yusum nem blong mi blong mekem promes blong yufala i strong, nao biaen yufala i no folem.+ Yufala i mas holem ol promes we yufala i mekem long Jehova.’*+