12 Be taem ol jif pris mo ol elda oli stap talemaot ol poen agens long hem, hem i no talem wan samting.+ 13 Ale Paelat i talem long hem se: “?Olsem wanem? ?Yu no harem ol samting ya we oli stap talem agens long yu?” 14 Be hem i no ansa, i no talem wan tok nating, nao Paelat i sapraes tumas.

32 Tok blong Baebol we man ya i stap ridim, i talem se: “Oli tekem hem i go olsem wan sipsip blong kilim hem i ded, mo olsem wan smol sipsip we i stap kwaet nomo taem oli stap katemaot hea blong hem, be hem i no openem maot blong hem.+ 33 Taem oli stap mekem hem i sem, oli tekemaot jastis long hem.+ From we oli tekemaot laef blong hem long wol ya, ?hu bambae i tokbaot evri jeneresen blong hem?”+