• Aesea 65:13, 14
    Baebol Long Niu Wol Translesen

    • 13 From samting ya, hemia samting we Hae Masta Jehova i talem, i se:

      “!Yufala i luk! Ol man blong wok blong mi bambae oli kakae, be bambae yufala i go we yufala i hanggri nomo.+

      !Yufala i luk! Ol man blong wok blong mi bambae oli dring, be bambae yufala i go we yufala i tosta.+

      !Yufala i luk! Ol man blong wok blong mi bambae oli glad,+ be yufala bambae sem i kilim nogud yufala.+

      14 !Yufala i luk! Ol man blong wok blong mi bambae oli glad oli stap singaot from we hat blong olgeta i gud,

      Be yufala bambae yufala i krae from we hat blong yufala i soa tumas

      Mo bambae yufala i krae bigwan from we tingting blong yufala i foldaon olgeta.

  • Jeremaea 17:13
    Baebol Long Niu Wol Translesen

    • 13 O Jehova, yu yu hop blong Isrel,

      Olgeta we oli lego yu bambae ol man oli mekem olgeta oli sem.

      Olgeta we oli mekem fasin blong apostasi blong agensem yu,* bambae oli lus olsem wan raeting long das,+

      From we oli lego Jehova, we i stamba blong wota blong laef.+

  • Jeremaea 17:18
    Baebol Long Niu Wol Translesen

    • 18 Yu letem ol man oli mekem olgeta we oli stap ronem mi blong kilim mi oli sem,+

      Be yu no letem ol man oli mekem mi mi sem.

      Yu letem fraet i kilim gud olgeta,

      Be yu no letem fraet i kilim nogud mi.

      Yu tekem dei blong trabol i kam kasem olgeta,+

      Mo yu smasem olgeta mo yu distroem olgeta fulwan.*