• 2 King 17:6
    Baebol Long Niu Wol Translesen

    • 6 Long namba 9 yia blong rul blong Hosia, king blong Asiria i holemtaet Sameria.+ Biaen hem i karemaot ol man Isrel blong oli go stap long Asiria,+ mo hem i putum sam long olgeta long ples ya Halaha, mo sam long Haboro we i stap long reva ya Gosan,+ mo sam long ol taon blong Media.+

  • Aesea 28:1, 2
    Baebol Long Niu Wol Translesen

    • 28 !Sore tumas long flas* hat blong king,* blong ol drong man long Efrem,+

      Mo flaoa blong samting we i flasem gud hem, we kala blong hem i stap lus sloslo,

      We i stap antap long hed blong vali ya we graon blong hem i gud, mo i ples blong ol man we oli fuldrong long waen!

       2 !Yufala i luk! Jehova i gat wan man blong hem we i strong mo i gat paoa.

      Bambae hem i slingim hat ya i godaon long wol,

      Olsem we tanda i faerap strong nao ol ston blong aes oli stap folfoldaon, yes, wan strong win we i stap spolem evri samting,

      Mo olsem we tanda i faerap mo wota i ron strong.

  • Hosea 5:14
    Baebol Long Niu Wol Translesen

    • 14 From Efrem bambae i luk mi olsem wan yang laeon,

      Mo olgeta long haos blong Juda tu oli luk mi olsem wan strong laeon.*

      Bambae mi terterem olgeta long ol smosmol pis mo mi gowe,+

      Bambae mi karem olgeta i go, mo bambae i no gat wan man i sevem olgeta.+