• Dutronome 30:3
    Baebol Long Niu Wol Translesen

    • 3 Jehova we i God blong yu bambae i sore long yu,+ i tekemaot yu long olgeta we oli holem yu,+ mo i tekem yu yu kambak. Bambae hem i tekemaot yu long ol ples we God blong yu Jehova i bin sanem yu yu go long hem, mo i mekem yufala i joen tugeta.+

  • Nehemaea 1:9
    Baebol Long Niu Wol Translesen

    • 9 Be sipos yufala i kambak long mi, mo yufala i folem ol komanmen blong mi mo yufala i obei long olgeta, nating sipos yufala i stap wanwan olbaot go kasem en blong heven, be bambae mi hivimap yufala,+ mo mi tekem yufala i kam long ples ya we mi jusum blong putum nem blong mi i stap long hem.’+

  • Aesea 11:11, 12
    Baebol Long Niu Wol Translesen

    • 11 Long dei ya, Jehova bambae i givim han blong hem namba 2 taem, blong tekembak smol haf blong ol man ya blong hem we oli stap yet long Asiria,+ long Ijip,+ long Patros,+ long Kus,+ long Elam,+ long Sina,* long Hamat, mo long ol aelan long solwota.+ 12 Bambae hem i leftemap wan saen* blong ol nesen, mo i hivimap ol man Isrel we oli stap wanwan olbaot,+ mo i hivimap ol man Juda we oli stap wanwan olbaot long ol fo kona blong wol.+

  • Amos 9:14
    Baebol Long Niu Wol Translesen

    • 14 Bambae mi tekembak ol man blong mi, ol man Isrel we oli stap kalabus,+

      Mo bambae oli wokem bakegen taon ya we i emti i stap mo oli stap long olgeta,+

      Bambae oli planem ol plantesen blong grep mo oli dring ol waen blong hem,+

      Mo oli mekem ol garen mo oli kakae ol frut long ol garen ya.’+