• Aesea 9:7
    Baebol Long Niu Wol Translesen

    •  7 Mo rul* blong hem we i stap kam bigwan

      Mo pis, bambae i no gat en,+

      Long tron* blong Deved+ mo long kingdom blong hem

      Blong mekem se i stap strong+ mo i gohed blong stanap

      Tru long jastis+ mo stret fasin,+

      I stat naoia i go mo blong olwe.

      Strong tingting blong Jehova komanda blong ol ami, bambae i mekem samting ya.

  • Aesea 11:4, 5
    Baebol Long Niu Wol Translesen

    •  4 Bambae hem i jajem ol man we oli no gat nem folem sem fasin nomo,*

      Mo i folem fasin we i stret blong stretem ol man, long bihaf blong ol man long wol we oli gat tingting daon,

      Bambae hem i kilim wol long stik blong maot blong hem,+

      Mo i kilim i ded ol man nogud long win blong maot* blong hem.+

       5 Bambae stret fasin i olsem strap we i raonem weist blong hem,

      Mo fasin blong holemstrong hem i strap long hips blong hem.+

  • Jeremaea 23:5
    Baebol Long Niu Wol Translesen

    • 5 Jehova i talem se: “!Yu luk! I gat ol dei i stap kam we bambae mi mekem wan niufala gru* we fasin blong hem i stret, i kamaot long Deved.+ Mo wan king bambae i rul,+ mo i soemaot se hem i gat hed, mo i mekem se i gat jastis mo stret fasin long kantri ya.+

  • Sekaraea 9:9
    Baebol Long Niu Wol Translesen

    •  9 O dota blong Saeon, yu mas glad bigwan.

      O dota blong Jerusalem, yu singaot from yu win.

      !Yu luk! King blong yu i stap kam long yu.+

      Hem i stret olgeta, mo i stap kam blong sevem yu,*

      Tingting blong hem i stap daon+ mo i stap raed long wan dongki,

      Long wan yang dongki,* yes wan pikinini blong woman dongki.+

  • Hibru 1:9
    Baebol Long Niu Wol Translesen

    • 9 Yu yu laekem stret fasin, mo yu no laekem nating fasin blong brekem loa. Nao from samting ya, God we i God blong yu, i kafsaedem moa oel blong glad long yu blong makemaot yu,+ i winim ol fren blong yu.”+

  • Revelesen 19:11
    Baebol Long Niu Wol Translesen

    • 11 Nao mi luk heven i open, !mo luk! i gat wan waet hos.+ Mo man we i sidaon long hem, nem blong hem, Man We Yu Save Trastem,+ mo Man We i Talem Trutok.+ Hem i jajem man long stret fasin, mo faet we hem i stap mekem i stret.+