5 Ol blaenman, naoia oli save lukluk,+ olgeta we leg blong olgeta i nogud, oli save wokbaot, olgeta we oli gat leprosi,+ oli kam klin bakegen, olgeta we sora blong olgeta i fas, oli harem samting, ol dedman oli laef bakegen, mo ol puaman, naoia i gat man i stap talemaot gud nius long olgeta.+

7 Plante man, ol spirit we oli no klin oli kamaot long olgeta, mo taem oli kamaot, oli singaot bigwan.+ Mo plante man we bodi blong olgeta i ded mo leg blong olgeta i nogud, oli kam gud bakegen.

8 Long Listra, i gat wan man we i sidaon i stap. Taem hem i bon, tufala leg blong hem oli nogud finis, mo hem i neva wokbaot. 9 Hem i stap lesin long Pol taem hem i stap toktok. Nao Pol i stap lukluk hem mo i luk se man ya i bilif se hem i save kam gud.+ 10 Nao hem i talem long strong voes se: “Yu stanap long leg blong yu.” Nao man ya i stanap wantaem mo i stat wokbaot.+