• Aesea 11:6, 7
    Baebol Long Niu Wol Translesen

    •  6 Bambae wulf i stap smoltaem wetem smol sipsip,+

      Mo leped bambae i ledaon wetem yang nani,

      Mo smol buluk wetem laeon* mo animol we i fatfat gud, bambae oli stap wanples,*+

      Mo wan smol boe nomo bambae i lidim olgeta.

       7 Bambae kao mo bea i kakae wanples,

      Mo ol pikinini blong tufala bambae oli slip wanples.

      Laeon bambae i kakae gras olsem bul.+

  • Aesea 65:25
    Baebol Long Niu Wol Translesen

    • 25 Bambae wulf mo smol sipsip i kakae wanples,

      Laeon bambae i kakae drae stik blong wit olsem bul,+

      Mo bambae kakae blong snek hem i das.

      Bambae oli no givim kil mo oli no spolem eni samting long olgeta ples long bigfala hil blong mi we i tabu.”+ Hemia nao tok blong Jehova.

  • Esikel 34:25
    Baebol Long Niu Wol Translesen

    • 25 “‘“Mi bambae mi mekem wan kontrak blong pis wetem olgeta,+ mo bambae mi aotem ol rabis wael animol long kantri ya,+ olsem nao bambae olgeta oli save stap sef long draeples mo slip long bus.+

  • Hosea 2:18
    Baebol Long Niu Wol Translesen

    • 18 Long dei ya, bambae mi mekem se i gat wan kontrak bitwin olgeta wetem ol wael animol long open ples,+

      Mo wetem ol pijin long skae mo animol olsem snek mo lised long graon.+

      Bambae mi tekemaot bonara mo naef blong faet mo wo long kantri ya,+

      Mo bambae mi mekem olgeta oli ledaon* we oli sefgud.+